Nataranta siya nang kahit anong drawers ang buksan niya ay hindi niya mahanap ang asin o kahit isang pirasong bawang. Tutunguhin na sana niya ang refrigerator upang magbakasakaling may mahanap doon nang bigla siyang matigilan nang mahagip ng mga mata ang isang bote ng suka. Lumapad ang ngiti sa mga labi niya nang abutin iyon mula sa itaas ng drawer.
Napaigtad siya nang marinig ang ingay na mula sa labas ng kusina. Tila isang bagay ang naririnig niyang gumugulong ngayon patungo sa kinaroroonan niya. Natigilan siya nang matuon sa sahig ng kusina ang mga mata niya. May isang bagay na biglang gumulong mula sa labas. Sa bawat sahig na nagugulungan nito ay may iniiwan itong likidong kulay pula.
Ganoon na lang ang pagbilis ng paghinga niya nang tumigil sa kaniyang paanan ang bagay na gumugulong
