NATIGILAN si Conrado matapos ilapag sa maliit na lamesa ang pinamiling mga pagkain mula sa bayan. Paano'y kalalabas lamang ng silid ni Ahnia. Halatang bagong gising ang babae dahil uunat-unat pa itong lumapit sa kaniya.
"Good morning, kuya," nakangiting bati ng dalaga nang tuluyan siyang malapitan.
Naglandas ang paningin niya sa kabuuan nito. Nakasuot ang babae ng manipis na bulaklaking daster. Asiwang nag-iwas siya ng tingin nang matuon sa harapan nito ang mga mata niya. Yumayakap na sa dibdib ng dalaga ang tela ng suot nito dahil sa kasikipan niyon.
Tumikhim siya bago sinenyas ang mga supot sa ibabaw ng mesa. "May mga binili akong sando. Kumuha ka na ng isa at magpalit ka," malamig niyang turan bago kumuha ng isang stick ng sigarilyo.
Nagliwanag naman ang mukha ni Ahnia dahil sa nari
