NAIKUYOM ni Ahnia ang mga kamay niya habang nakatingin sa dalawa upang pigilin ang sarili sa puwedeng gawin. Mabilis naman nalukot ang mukha ni Conrado habang nakatitig sa kanila ni Anjo. Iniwan nito si Mariah at agad na humakbang palapit sa kanila bago siya hinila palayo mula sa binata.
"Bakit may kasama kang lalaki?" Mahigpit siyang hinawakan ni Conrado sa braso. Napalunok naman siya habang nakatitig sa matalim nitong mga mata. "Gabi na pero kung saan-saan ka pa nagpupunta!"
"K-kuya, m-masakit!" daing niya habang pilit kumakawala sa pagkakahawak nito.
Tinapunan naman ng tingin ni Conrado ang braso niya na hawak nito. Agad nitong binitiwan iyon at hinawakan siya sa kamay.
"Pare, tinutulungan ko lang si Ahnia, kanina ka pa hinahanap ni—"
"Tumahimik ka. Hindi ikaw ang kinakausap ko!" m
