ALA-UNA ng hapon. Kasabay ng pag-ihip nang malakas na hangin ang paglamlam ng liwanag sa kapaligiran dahil sa pagtakip ng makakapal na ulap sa haring-araw.
Nakatayo ang babaeng si Mariah sa tapat ng bahay ni Gado habang malapad ang ngiti sa mga labi.
"Saan ka na naman pupunta? Aawayin mo na naman si Ahnia!"
"Puwede ba, ate? Sandali lang ako!"
Bahagyang nangunot ang noo ni Mariah nang makalanghap ng sariwang amoy. Mula sa bahay ni Gado ay nalipat ang tingin niya sa tindahan malapit sa kinatatayuan niya. Nakatayo sa harap nito ang isang babaeng nakapalda ng dilaw at nakasuot ng puting damit.
Nagsimula siyang humakbang at nang lumingon paharap sa kaniya ang dalaga ay pasadya niya itong binunggo.
"Aray! Ano ba?" mataray na sabi ni Romana.
Tumalim ang tingin ni Mariah. Mataman niyang tin
