UNTI-UNTING umalpas mula sa itim na ulap ang bilog na buwan. Ang mga aso sa daan at silong ng bahay ay patuloy sa pagkahol, waring may nakikitang hindi maganda.
Nagliwanag ang madilim na paligid dahil sa pagguhit ng kidlat sa langit. Ilan sandali pa ay tuluyan nang lumabas ang buwan at nagsaboy ng liwanag sa buong Baryo Crisostomo. Sa paglabas nito ay siya ring pag-iiba ng ritmo ng tahol ng mga aso. Mula sa pagkahol ay napalitan ng pag-alulong na waring nakikidalamhati sa lagim na mangyayari sa gabi.
Sa gitna nang maliit at may kadilimang bakuran, makikita ang isang babae, nakatayo sa paanan ng tatlong baytang na hagdan at nakatingala sa langit. Nagsimula itong humakbang habang isinasayaw ng hanging ang mahaba at itim na itim nitong buhok.
Nang maabot ang gitnang bahagi ng bakuran ay ma
