MALAPAD ang ngiti sa mukha ni Conrado pagkatapos marinig mula sa doctor ang kalagayan ng babaeng si Ahnia. Gulat at katuwaan ang mababakas sa pagmumukha niya nang balingan ang dalaga na ngayon ay nakaupo sa katapat niyang upuan.
"Congratulations, ma'am, sir, magiging magulang na kayo," nakangiti pang pahayag ng doktora at kinamayan pa siya nito.
Binigyan sila ng reseta ng babae. Ayon dito ay maselan ang pagbubuntis ni Ahnia kaya sa kaunting stress lang ay makararamdam agad ito ng pananakit ng tiyan. Pinayuhan silang huwag bibigyan ng problema ang babae at laging pakainin ng mga masustansiyang pagkain.
Matapos ng mahabang paliwanag ng doktora, nagpaalam na sila rito at sandaling nagpunta sa botika upang bumili ng mga bitamina na kailangan inumin ng dalaga. Nang pauwi naman ay lulan pa r
