SA PAGSAPIT ng gabi ay nakatanaw at tahimik na nakatayo si Conrado mula sa nakabukas na pintuan ng kuwarto sa nahihimbing na si Ahnia.
Nagbuga siya ng hangin. Mula sa payapang mukha ng dalaga ay nabaling ang tingin niya sa papag at bahagyang natawa. Ayaw siyang patulugin ni Ahnia sa tabi nito dahil nagtatampo pa rin ito sa kaniya sa naabutang senaryo kaninang hapon kasama si Mariah.
Sa gabing iyon, hindi siya nagawang dalawin ng antok dahil sa pagbabantay sa babae. Gusto niyang makasiguro na maayos ito kaya hiniram na niya sa kaniyang tiyong si Gado ang isang mahabang itak. Nasa ilalim iyon ng papag na tinutulugan niya. May dala rin siyang patalim sa likod ng pantalon.
Hindi niya hahayaang masaktan si Ahnia, kahit pa maging kapalit ang buhay niya. Poprotektahan niya ang mag-ina niya kah
