Nailing na lamang si Conrado kay Anjo. Sa pagsapit ng alas-diyes ay iniwan na niya sa mga kapitbahay nila ang ginagawa at nagmamadaling naligo upang makapagbihis na. Nagsuot siya ng itim na chinos at puting barong, saka nilagyan ng gel ang buhok upang mas lalo siyang malinis tingnan. Hindi na siya nag-abalang mag-ahit ng balbas dahil alam niyang natutuwa si Ahnia sa balbas niya. Halos lahat kasi ng celebrity crush nito ay pawang mga balbasin.
Matapos magwisik ng pabango ay lumabas na siya ng bahay upang magtungo sa simbahan.
Rinig na rinig naman ang hiyawan ng mga tao sa labas nang makita ng mga ito si Conrado habang nakasuot ng pangkasal ang lalaki. Agad tumayo si Ahnia at akmang sisilip sa labas, ngunit mabilis siyang pinigilan ni Nadya.
"Ikaw talaga!" pabiro siya nitong kinurot sa ta
