MATAPOS magmartsa ng mga abay na lalaki at mga abay na babae, huminto ang traditional wedding song at muling isinara ang kahoy na pinto ng simbahan.
Napangiti si Conrado nang magsimulang kumanta ang kaniyang Tiyo Gado. Ito ang kantang kinanta nila noong gabing opisiyal niyang hingin ang kamay ni Ahnia.
"Itanong mo sa akin, kung sinong aking mahal?"
Sa pagsimula nito sa pag-awit ay siya namang muling pagbukas ng pintuan at iniluwa si Ahnia habang suot nito ang binili niyang damit na pangkasal. Na kung tutuusin ay napakasimpleng kasuotan, ngunit ngayong suot na ng babaeng pinakamamahal niya ay nagmukha pa ring mamahalin.
"Itanong mo sa akin, sagot koy 'di magtatagal."
Hindi na siya magugulat pa kung bakit lahat na lang yata ng suotin ng babae ay nagiging maganda. Tila may taglay itong k
