"T-TITA TRINA?"
Lumapad ang ngiti sa mukha ni Trina. "In the flesh, my angel!" Makikita ang pag-asim ng mukha nito nang sabihin ang huling parte.
"P-paano... b-buhay kayo?" hindi makapaniwalang tanong ni Ahnia. Namimilog ang mga mata nito habang nakatitig sa madrastang si Trina na inakala nitong patay na. Halos umawang ang bibig niya sa pagkagulat.
Sigurado siya sa nakita noong gabing pinasok sila sa mansiyon ng tatlong lalaki. Natamaan ang babae ng bala at bumagsak ang katawan sa sahig. Tandang-tanda rin niya ang sinabi ni Conrado sa kaniya, na wala na ang babae. Kaya paanong nangyaring nasa harap nila ito ngayon?
Tumawa ang babaeng si Trina sa tila nang-uuyam na paraan. Pinagsalikop nito ang mga braso sa tapat ng dibdib at saka umiling.
"Bakit parang hindi ka masaya?" tumaas ang is
