IBINABA ni Conrado ang kamay at matuling lumapit sa pinto. Sumunod naman sa likuran nito si Ahnia at mahigpit na pinigilan ang lalaki sa braso.
"Where are you going?" may halong takot sa boses ng babae.
Nilingon siya ni Conrado at pinalapit sa mesa. "Dito ka lang. Titingnan ko lang kung ano'ng—"
"Are you out of your mind? Kuya, hindi ka ba nanonood ng horror movies? Lahat ng characters na lumalabas para tingnan ang nangyayari, namamatay!" bakas ang matinding takot at pag-aalala sa boses niya.
Nais tumawa ni Conrado sa narinig. "Hindi ako lalabas, sisilip lang ako sa bintana."
Muling humakbang palapit sa nakasaradong pintuan ang binata. Si Ahnia naman ay parang mahihimatay habang hinihintay itong makalapit sa bintanang nasa harap ng kalan. Napahawak siya sa sariling dibdib. Rinig na r
