Nang makitang papatawid ng ilog ang babae ay mabilis siyang tumayo, iniwan si Ahnia at humakbang palapit sa dalaga. Tumigil sa paglalakad si Mariah. Nang malapitan niya ito ay nilahad niya ang kamay niya upang maalalayan ito sa pagtawid sa ilog. Nakangiti nitong tinanggap ang kamay niya.
Tumayo si Ahnia habang nakatitig sa dalawa. Sumimangot siya nang makita kung paano titigan ni Conrado sa mukha ang babae. Mabilis niyang pinag-crossed ang dalawang braso sa tapat ng dibdib.
"Sino siya?" malumanay na tanong ng babae matapos siya nitong tapunan ng tingin at titigan mula ulo hanggang paa.
Hindi siya nagkamali. Ito nga si Mariah, ang Mariah ng Kuya Conrado niya.
Nilingon siya ni Conrado. Nang matuon sa kaniya ang mga mata nito ay tila natauhan ang lalaki. Binitiwan nito ang kamay ni Maria
