Third Person's POV
Isang linggo na ang nakalilipas mula ng umalis si Jason sa Hacienda Suarez. Ibinilin nito sa magkapatid na linis-linisin ang buong bahay at kahit na wala siya ay patuloy parin na magtatrabaho ang dalawa sa kanya bilang caretaker ng bahay nito.
"Nami-miss ko na si Sir Jason, kailan kaya siya babalik?" tanong ni Estella, nasa bukid sila at tinutulungan ang kanilang ama na mamitas ng mga gulay para may maibenta sila bukas ng umaga.
"Wala namang sinabi, matatagalan pa siguro 'yon," sagot naman ni Maria. Inilagay nito ang mga napitas na talong sa basket.
Nanulis ang nguso ni Estella. "Huh! Kainis naman, sana isinama na lang niya ako sa pagbalik niya sa Maynila," anito.
"Ano naman ang gagawin mo do'n?" tanong ni Maria.
"Magtatrabaho ako sa kanya, assistant n'ya gano'n,"
