Mahigpit na niyakap ni Travis ang nobyang si Vicky habang isinasayaw ang dalaga. Mabilis ang t***k ng kaniyang puso. Kinakabahan siya dahil alam niyang may itinatago siya rito. At kahit na anong takas niya o lusot ay darating pa rin ang araw na alam niyang isusumpa siya ni Vicky.
Ang totoo ay walang kinalaman ang pagdi-disguise niya bukas bilang bakla. Gusto niyang makapunta sa foundation day ng school para hindi siya makilala ni Amanda. At para na rin matiyak ang kaligtasan ni Vicky. Pagkatapos n'on ay magtutungo siya ng Baguio City para puntahan ang hide out ni Gilbert Silva. Kailangan niyang makagawa ng isang plano na maglalapit sa kaniya at kay Silva.
Nakausap na niya si Agent Lapuz tungkol sa kaniyang plano at sana ay hindi siya pumalpak dahil kung hindi ay wala na siyang ibang para
