"Ano na ngayon ang plano mo, Vickierela?" tanong sa kaniya ni Suzi habang nagdra-drive ito ng sasakyan pauwi sa kanila. Panay ang pahid niya ng kaniyang mga luha na walang tigil sa pag-agos. Nilingon niya ang kaibigan na alala-alala sa kaniya.
"Hindi ko alam, iniisip ko ngayon si Nanay. Alam ko na sasabihin lamang niya sa akin na tama ang kutob niya at hindi ako nakinig sa kaniya. Alam mo dapat noon pa lang inisip ko na ito, na mangyayari ito sa klase ng trabaho ni Travis. Sana ay hindi na masakit ito para sa akin... kahit na sabihin pa niya na parte iyon ng misyon. Hindi ako tanga para maniwala sa lahat ng kasinungalingan niya."
"Paano kung nagsasabi ng totoo si Travis? Paano kung nabubulag ka lamang ng maling akala mo sa kaniya? Hindi ko kinakampihan si Travis dahil kaibigan ko siya. d
