"Dad! Will you stop forcing me to do what you want me to do! Hindi na po ako bata! Nasa tamang edad na ako para gawin ang mga gusto kong gawin. And besides, hindi ko na naman pinapakialaman ang mga negosyo ninyo," pagalit na sabi ni Amanda sa kaniyang ama.
Nasa loob sila ng opisina nito at pinapayuhan siya na lumayo kay Gaspar. At hindi niya iyon p'wedeng gawin dahil mahal na mahal niya ang binata.
"Hija, hindi tama na palagi kayong magkasama ni Gaspar lalo na kapag oras ng trabaho niya. Private bodyguard ko siya at parte na siya ng Black Diamond. Hindi iyon magandang tignan lalo na't sobra kang malapit kay Gaspar."
"At ano ang gusto ninyong gawin ko, dad? Lumayo rito at pumunta ng Amerika. Sinabi ninyo na mas makakabuti na nandito ako para masigurado na ligtas ako palagi."
"Amanda, gi
