"Kuya, ano'ng gagawin ko?" Kanina pa ako nagrereklamo pero walang imik ang mga kapatid ko. Si Pepper ay tahimik din habang umiinom ng alak.
"Nasa sa'yo naman iyon kung papayag ka o hindi."
"Ayaw kong pumayag. Mayaman naman tayo, hindi ko kailangan ang pamana ni Lolo."
Tumango si Kuya. "Yeah, pero kapag hindi ka nakipagtulungan, hindi makukuha nina Raiden ang mga mana nila. I'm sure may mga napundar naman na sila, hindi sila maghihirap kapag hindi nakuha ang mga mana nila sa matanda."
Bakit pati sila kinokonsensya pa ako?
Nakasimangot akong tumingin sa kanila.
"Oh, bakit?" defensive na tanong ni Pepper.
"Bakit pakiramdam ko pinagkakaisahan niyo ako?" bintang ko habang pinanliliitan ko sila ng mga mata.
"Wala kaming kinalaman sa sitwasyon na kinahaharap mo ngayon. Choice mo iyan
