Madamdamin ang pag-uusap nina Angel at Andrew hinggil sa kalagayan ng anak ng una nang bigla ay may babaeng sumusugod sa kinaroroonan nila. Noong una ay pansin na ni Andrew ang ginang na papasugod sa kinaroroonan nila pero hindi niya alam na si Angel ang punterya nito.
"Hayop kang babae ka, hindi ka pa rin ba tumitigil sa pakikipagkita sa asawa ko!" palatak ni Aless na tila susugod sa giyera.
"Ma'am, nagkakamali yata kayo," maagap na awat ni Andrew sa babae.
"Hindi ako maaaring magkamali, doc, nilalandi ng babaeng 'yan ang asawa ko kaya ito pumayag na mag-donate ng kidney," wika ni Aless.
Akmang susugurin na naman nito si Angel nang marinig ang dumadagundong na boses ni Nicholas mula sa kung saan.
"Aless, anong ginagawa mo rito?" bulalas nito.
"Nandito ako upang ipabatid sa babaeng i
