After four years...
Hindi ko maiwasang mapangiti habang nakatanaw ako sa stage sa nagsasalitang si Atlas.
"Nasa ating bayan ng Trinidad ay lahat ng dahilan upang ipagdiwang natin nang may taos-pusong pasasalamat para sa masaganang kaloob na ating tinanggap mula sa Poong Maykapal. At ang ating pasasalamat ay gagawin natin sa pamamagitan ng iba't ibang mga kasiyahan at pagdiriwang."
Nagpalakpakan ang mga tao sa paligid ko, kaya nakipalakpak na rin ako. Muli kong itinuon ang atensiyon ko kay Atlas sa stage, na ngayon ay siya nang Mayor sa lugar na ito. Hindi nakakaligtas sa paningin ko ang katabi niya sa entablado.
"Sabay-sabay nating ipagdiwang ang makasaysayan at natatanging mga kaganapan na naganap sa nagdaang taon sa ating bayan. Tayo ay magbuklod-buklod, upang maging mas lalong maki
