Pakiramdam ko ngayon ay may nakabarang bato sa lalamunan ko. Hindi ko inaasahan na sa ganito kami uli magkikita ni Redentor. Nagtama ang mga mata namin ni Redentor, o ni Red. Thor ang tawag sa kanya ni Mrs. Vaughn, Atasha. Ah, basta! Kahit ano pa ang pangalan niya. Merong pamilyar na emosyon na muling nabuhay sa dibdib ko nang mga sandaling ito.
Dumaan lang ang tingin niya sa akin, na parang hindi niya ako nakilala. Nakaramdam tuloy ako ng lungkot. Parang bigla ang tingin niya sa akin ay karaniwan lang akong taong nakatayo dito. Bakit noon, kung tingnan niya ako ay parang ako lang ang nakikita niya? O hindi ba talaga niya ako nakilala? Pero parang napaka-imposible naman! Nagpa-itim lang ako ng buhok ko, pero iyon pa rin naman ang mukha ko. O, baka pumangit na ako sa paningin niya kasi um
