Tinanghali ako ng gising. Hindi ko magawang matulog agad kagabi. Nang makatulog naman ako ay pagising-gising din ako. Tila ba isang bangungot ang nangyari sa pagitan namin ni Red kagabi. Mabuti na lang at wala akong pasok ngayong araw. Hindi ko siguro alam kung paano ako haharap kay Red at sa pamilya niya sa itsura kong ito na magang-maga ang mga mata ko.
Pinilit kong bumangon na kahit na medyo mabigat ang ulo ko. Sobrang pag-iyak at puyat kasi siguro. Pero hindi pwedeng hindi ako babangon na. Nangako ako kay Amethyst na ipapasyal ko siya sa poblasyon ngayon.
Mabilis akong nagmumog at naghilamos, tapos ay lumabas na ako ng kuwarto. Nadatnan kong naghaharutan sa sofa si Amethyst at Atlas.
"Ang aga mo naman, Atlas? Nasaan si Manang Sol?"
Sabay na lumingon sa akin si Atlas at Amethyst
