Nakasundo ko si Mrs. Vaughn. Masaya siyang kasama. Pansamatala, siya muna ang naging nanay ko. Isang buwan nang panay ang luto niya ng mga ulam at sabay-sabay kaming tatlo ni Mam Emerald na kakain ng lunch.
"Mrs.Vaughn, hindi mo naman po kailangang magluto ng ulam natin. Meron naman pong cook ang restaurant."
"Hayaan mo na ako, iha. Masaya ako kapag nagluluto, at mas lalo akong masaya kapag nagugustuhan mo ang mga luto ko."
"Naku! Wala naman pong tapon sa mga luto n'yo. Lahat, masarap!"
"Siyempre! Lahat ng luto ko, masarap. Kasi... hinahaluan ko ng pagmamahal."
"Pakiramdam ko nga po, malaki na ang itinaba ko mula nung sumasabay ako sa inyong kumain."
Sandaling itinigil ni Mrs. Vaughn ang paggigisa, at tiningnan ang katawan ko.
"Mukhang ganun pa rin naman ang tingin ko sa katawan mo
