"Saan mo binili itong steak? May ganito kayo dun sa restaurant? " tanong ko kay Redentor, habang hinihiwa ko iyong malambot na tenderloin.
"Excuse me, my princess. Ako ang nagluto niyan. Kaya nga sabi ko sa 'yo kanina, hindi kita masusundo, kasi ipi-prepare ko 'tong dinner date natin."
Pina-ikot ko ang mga mata ko.
"Okay, fine... bakit nga pala may pa-ganito ka?"
"Kasi nga, palpak 'yung dinner date natin kagabi. May dumating na istorbo."
Inirapan ko si Redentor.
"Istorbo daw... kunwari ka pa! Hindi naman malalaman ni Leila na nandoon tayo kung hindi mo sinabi sa kanya. Alangan namang ako ang nagsabi sa kanya, wala namang nakakaalam kung saan ako pupunta kagabi. Wala naman akong pinagsabihan kahit na sino."
Huminga nang malalim si Redentor.
"Okay. Ako ang nagsabi sa kanya."
Agad
