ISANG seryosong Karlo Ibañez ang bumalik sa bench ng CU nang matapos ang second half. Mabilis ding naupo ang limang CU players sa bench nila at may hingal sa dibdib ang mga ito nang sandaling iyon. Napagod sila sa minutong kanilang nilaro, at may dalawang quarter pang natitira sa game. Si Gregor nga ay nakakuyom ang kamao matapos uminom ng tubig. May nararamdaman siyang gigil sapagkat nagmukha silang mahina sa team ng CISA kanina.
“Hindi pwedeng ganito! We can’t lose… I don’t want to lose against Mendez!” wika ni Gregor at naalala niya ang ginawa ni Ricky sa kanya sa Mahalta. Ang suntok nito at ang ginawa nitong pagpapahiya sa kanya kanina sa laro dahil sa crossover na iyon.
Si Karlo naman ay napadiin ang hawak sa kanyang tubigan. Napatingin siya sa scoreboard at lamang na nga ang
