PINALABAS muna ni Coach Wesley si Ken Mendoza at ipinasok niya si Jimenez na pagdating pa lang sa loob ay nilapitan kaagad si Mendez. Wala lang ito sa manlalarong iyon at si Ricky naman ay bahagyang napalayo rito dahil ito ang kailangan niyang bantayan dahil sa CU ang possession ng bola. Nananatili pa rin namang maingay ang CU crowd nang oras na iyon pero hindi naman papatinag ang unti-unting lumalakas na CISA fans.
Sinambot ni Karlo ang inbound pass at mabilis siyang bumaba sa side nila. Si Ibañez nga ay kaagad na binantayan ni Mendez. Nakangisi lang ang ball handler noon at nang nakita nitong papalapit si Jimenez ay isang mabilis na pagkaliwa at pag-drive sa bola ang ginawa ni Karlo. Nang sundan naman ito ni Mendez ay bigla siyang napahinto nang bumangga siya sa isang screen. Naroon
