SINUNTOK na noon ni Ricky si Ibañez nang malaman niyang niloloko nito si Mika dati. Ginawa na rin niya ito sa isang manlalarong nakalaban niya kamakailan lang sa Inter-Barangay na si Harold Salazar nang may hindi siya nagustuhan sa sinabi nito sa kanyang kasama noon na si Andrea. Maging ang pagsuntok kay Montemayor sa Mahalta ay hindi niya pinagsisihan dahil sa ipinakita nito kay Chloe. Sadya nga yatang hindi mapigilan ng binata ang kanyang emosyon kapag nakakarinig siya ng hindi maganda mula sa isang tao na hindi pabor sa kanya lalo na kung pagdating ito sa mga babaeng malapit sa kanya.
Nitong nakaraan lang ay itinatanong niya sa kanyang sarili kung bakit kasama ni Montemayor si Mika? Kung nagkaroon nga lang ng pagkakataon siyang matanong ang dalaga noong nakita niya ito ay matatahimik n
