SABADO.
Tinanghali na si Ricky ng gising dahil sa nangyari nilang laro nitong nakaraang araw. Sa pag-uwi nga niya kahapon ay dama niya agad ang sakit ng kanyang buong katawan lalo na nga ang kanyang mga hita at binti. Sa pagmulat naman ng kanyang mga mata ay ramdam pa rin nga niya ito at kasalukuyan siyang nakadapa sa kanyang higaan nang sandaling iyon.
Iginalaw nga niya ang kanyang kamay ay kinapa ang cellphone sa ilalim ng unan na kanyang hinihigaan. Umayos siya ng higa at humikab, na pagkatapos ay iniangat ang kanyang phone para tingnan kung ano nang oras.
“Nine thirty na pala,” nasambit ni Ricky at pagkatapos noon ay nag-open siya ng kanyang mobile data para tingnan ang kanyang messenger. Naroon nga ang maraming chats ng mga kakilala niya na nagsasabing congrats sa pagpasok
