MASAYANG sinalubong ng bench ng CISA ang kanilang mga players lalo na nga si Mendez na masayang-masaya ang ngiti dahil sa biglaan nitong paghataw. Si Ricky nga ay napatakbo kung nasaan si Macky at dito ay nagkatinginan ang dalawa.
“Maraming salamat sa mga turo mo. Kung hindi dahil sa iyo, baka mahina pa rin ako,” bulalas ni Ricky at si Macky ay doon na napakamot sa kanyang ulo dahil sa harapan ng marami ay narito si Mendez at yumuko sa kanyang harapan.
“Hanep, bakit may payuko-yuko ka pa? Tama na iyan!” naibulalas na lang ni Macky at mabilis niyang pinatayo nang maayos si Ricky. “Hindi ko alam kung matutuwa ako o hindi sa ginawa nito… Pero masaya ako sa nangyari sa iyo.”
Bumuntong-hininga si Macky at nginitian si Mendez. “Ikaw pa rin ang dahilan kaya ka lumakas. Ang kagustuhan
