NAKARAMDAM si Ricky ng bahagyang panginginig sa kanyang hita matapos ang first quarter at hindi niya ito ipinahalata sa kanyang mga kasamahan. Kanya ngang naisip na baka kailangan lang niyang ipahinga ito. Alam din kasi niyang hindi muna siya paglalaruin ng kanyang coach kapag nagsimula na ang second quarter.
Matapos niyang uminom ng tubig ay pinagmasdan niya ang kanyang mga kasamahan na masayang-masaya nga sa resulta ng unang quarter. Akala nga niya ay hindi sila makakalamang sa DWCC, kaso, naging factor para mahirapan sa kanila ang kalaban sa huling mga minuto ay ang pagod. Halos buong sampung minuto ay puno ng takbuhan ang kanilang laro kaya kahit sino ay makakaramdam nito.
“Nakita ba ninyo iyong tres ko? Para akong si Steph Curry,” masayang pagyayabang ni Benjo sa kanyang mga k
