BINUKSAN na nga ng kambal ang gate at dumiretso na rin ang sasakyan ng kapatid nila sa loob para mag-park. Si Ricky naman ay seryoso pa ngang pinagmasdan nina Trey at Troy bago pumunta sa bahay nila. Napakamot sa ulo si Trey at si Troy naman ay napakuyom na lamang ng kamao. Ang kanilang pagiging maangas ay tila wala nang oras na iyon dahil sa lalaking bigla na lang pumunta rito.
“Ano raw ang kailangan ng isang iyan?” sigaw naman ni Tristan pagkababa ng sasakyan. May dala nga itong malaking supot na tila mga grocery items at ang babae naman ay may dalang plastic na wari’y karne at isda ang laman.
“Umuwi ka na Mendez. Ano ba ang gagawin mo rito?” wika ni Trey na gusto sanang itulak palabas ang binata, kaso ang girlfriend naman ng kanilang kuya ang nagsalita at lumapit pa nga sa kanila.
“I
