UMUWI rin si Ricky matapos nilang kumain sa isang sikat na fastfood chain sa bayan. Nagpahinga siya at kahit na parang sumakit ang katawan niya sa larong iyon ay mas nangibabaw ang kaligayahang dulot ng kanilang pag-usad sa Finals. Hindi nga siya humiga at wala siyang ibang nasa isip kundi ang kung paano maglalaro sa huli nilang laban.
“DWCC ang kalaban namin…”
Naalala nga bigla ni Ricky ang sinabi sa kanya ng kuya Baron niya tungkol sa kambal na Agoncillo. Napabangon siya sandali nang maalala iyon. Alam niyang nanood ang dalawa kanina, pero hindi na niya nakita ang mga ito nang matapos ang game.
“Sana maglaro sila kung paano sila talaga maglaro sa loob ng court kapag naglaro kami…”
Bigla pang nakaramdam ng kuryusidad si Mendez sa kuya ng kambal na ipinakilala rin ni Baron na isa raw m
