NAPAKISLOT si Maryey nang mula sa kanyang likuran ay yakapin siya ni Sergio. Kakauwi lang nila sa condo unit nito mula sa pag-aari nitong farm. Binabantayan niya si Ynho habang abala sa nilalarong action figure at kotse-kotsehan.
Animo naglalambing pa na isiniksik ni Sergio ang mukha nito sa may leeg niya. Nangingiti namang hinawakan ni Maryey ang pisngi nito.
“Nami-miss ko ‘yong farm natin.” anito. “Kapag talaga na-stock ako sa lugar na ‘yon, naninibago ako kapag narito sa City. Nami-miss ko bigla ‘yong puro puno ‘yong nasa labas ng bahay.”
Bahagya niyang binalingan si Sergio. “Ako rin naman, nami-miss ko ‘yong farm. Na-i-excite akong bumalik dahil sa gaganapin nating Christmas party para sa mga tauhan mo.”
“Natin,” pagtatama nito. “Tauhan natin. Farm natin. At itong condo, condo nati
