MAINGAT na nilapitan ni Maryey si Sergio na nakatalikod sa kinaroroonan niya. Nasa terrace ito sa may tagiliran ng bahay kung saan puro kadiliman ang makikita ng mga mata. May munting liwanag naman doon na nagmumula sa loob ng rest house.
Nang makalapit sa likuran ni Sergio ay niyakap niya ito mula roon. Ramdam niya ang bahagyang paninigas ng tiyan nito. Marahil ay dala ng gulat.
“Narito ka lang pala,” aniya.
“Hon,” anito nang makabawi. “Akala kung sino na ang nananantsing sa akin.”
Akmang tatanggalin na ni Maryey ang kamay na nakayakap kay Sergio nang natatawa naman nito iyong hinawakan.
“Bakit? May iba pa ba na yumayakap sa iyo rito? May babae ka ba rito?”
Tumatawang pumihit paharap sa kanya si Sergio at siya naman ang niyakap sa may baywang niya. “I smell something fishy,” he even
