HINDI na talaga yata maaalis sa pakiramdam ni Maryey na animo iyon ang unang beses na magkasama silang manonood ni Sergio ng sunrise sa lugar na iyon. Walang kasing-ganda.
“Ang ganda talaga sa part na ito ng Leisure Club,” ani Maryey habang kumakain ng hot cake.
“Dahil sa sunrise?”
“Everything.”
Ang sarap sa pakiramdam na tumatama sa kanya ang sunray mula sa papataas pa lang na haring araw. Nagsasama ang lamig ng hangin at bahagyang init ng araw sa kanyang balat. Pumikit pa siya at dinama ang munting init na iyon.
Mayamaya pa ay may mga UHB Men na nagsidatingan. Mga mag-je-jet ski raw ang mga ito.
“Hon, dalawa na ‘yong anak natin. Takot ka pa rin bang maligo sa dagat?” muli niyang baling sa asawa.
Inisang lagok na ni Sergio ang kape nito bago siya binalingan. “Hindi na. Pinag-aralan
