TINALIKURAN ni Maryey si Sergio matapos itong pagmasdan habang kumakain ng manggang hilaw.
“Bilisan mong kumain, hon,” aniya rito. Nasa may terrace kasi ito. Doon niya ito itinaboy matapos makita na may kasamang bagoong ang binili nitong manggang hilaw. Ayaw niya ng amoy niyon.
Naupo siya sa may sofa at dinampot ang binabasang libro. Tagalog Romance iyon at sobrang na-ho-hooked siya sa mga isinulat ni Steffi nitong mga nakaraan. Iyon ang pangalan ng naturang manunulat.
Hindi niya maiwasan na mag-isip kung ano kaya ang hitsura ni Steffi mula sa Golden Hearts. Anonymous ito sa lahat. May writer account ito sa social media pero ang Golden Hearts mismo ang nagma-manage. Wala ring picture nito na nagli-leak sa social media. Napabuntong-hininga siya.
Sa sobrang galing nitong gumawa ng kuwent
