NAGISING si Ellie nang maramdaman niya ang mainit na bagay na humahaplos sa kanyang pisngi. Nahihilo pa siya at hinang-hina.
“‘Nay?” bigkas niya nang maaninag ang mukha ng kanyang ina na nakadukwang sa kanya.
Hinaplos nitong muli ang kanyang pisngi at inayos ang magulo niyang buhok. Napansin niya ang namumugto nitong mga mata, marahil ay dahil sa lubhang pag-iyak.
Nang tuluyang mawala ang pagkahilo niya ay saka lamang niya namalayan ang sarili na nakahiga sa sahig na sinapinan ng kumot. Nakaupo sa kanyang tabi ang kanyang ina suot ang itim na bestida. Iginala niya ang kanyang paningin sa paligid. Nasa loob sila ng isang kuwarto na walang anumang kagamitan. Kulay abo ang paligid, walang bintana at nakakasilaw ang ilaw mula sa LID light. Hindi na niya maalala kung ano ang mga huling nan
