ITINIGIL ni Liam ang pagbabasa ng files mula sa kaniyang computer para tawagan si Tere. Nagtataka kasi siya kung bakit wala pa ang mga ito. Pasado alas diyes na at medyo masakit na sa balat ang sikat ng araw.
Ngunit nagtaka si Liam kung bakit naka-off ang cellphone ng asawa. Ilang beses na niyang sinubukang tawagan ito pero unattended pa rin. Imposibleng ma-lowbat ito dahil siya pa ang nag-charge ng cellphone nito kanina.
Sa ilang beses na pagtawag ni Liam na hindi pa rin niya makontak si Tere, unti-unti nang bumangon ang kaba sa dibdib niya. Hindi na niya iyon nagugustuhan kaya tumawag na siya kay Winona.
"Nandiyan pa ba kayo sa park, Winona?" tanong dito ni Liam na pilit pinipigilan ang kaba sa dibdib niya. "Bakit hindi ko makontak si Tere?" tanong niya uli nang wala siyang makuhan
