"BAKIT ka sumunod? Dapat hindi ka umalis sa tabi ni Pareng Nicolo," saway ni Dean kay Gwen nang sundan siya nito sa paghahanap kina Liam at Tere.
"Kuya naman, eh! Para ka ring si Nicolo. Kanina n'yo pa ako bini-baby." Sumimangot ang bunso niyang kapatid. "Kaya ako sumama rito para makatulong sa pagligtas at hindi para maging pabigat. Pulis ako. Nakalimutan n'yo ba?"
"Pero hindi mo ba nakikita kung gaano kadami at kalakas ang mga kalaban?"
Inirapan siya ng kapatid. "Hindi lang kayo ang gustong mailigtas sina Kuya Liam at Tere. I'm so worried about them too." Ekspertong ikinasa ni Gwen ang baril. "Maghiwalay na lang tayo para mas mabilis natin silang mahanap." Pagkatapos iyong sabihin ay walang ano-ano na nanakbo si Gwen palayo sa kaniya.
Walang nagawa si Dean kundi ang mapabuntong-hini
