"Kristoff, gising ka na ba?" sambit ni Creza sa labas ng pinto ng kwarto ng anak.
Napangiti na lang siya nang marinig ang pagkalabog sa loob. Binuksan niya ang pinto at saka sinilip ang anak. Bumungad sa kanya ang nagkukusot ng mga matang si Kristoff.
"Morning," nakangiting bati niya rito.
Ngumuso ito at saka humikab ulit. Natawa na lang ulit siya at saka ginulo ang buhok nito.
"Morning po, mama," sagot nito.
Napailing siya. "O, sige na, tara na at maligo ka na," sabi niya at pinauna na ito sa labas.
Ilang araw ang lumipas at tapos na rin ang kanyang sick leave kaya balik na rin siya sa trabaho. Medyo humupa na rin naman ang mga chismis sa labas kaya wala na rin iyon sa kanya. Isa pa, tama ang ama niya. Naranasan na niya ito noon. She has gone through this and she will go throug
