Traffic ang sumalubong kina Pritz at Felicity papunta sa Alumni Homecoming. Trenta minuto silang na-late ngunit hindi pa naman nag-uumpisa ang mga programa.
Punong-puno ang parking area ng eskwelahan sa dami ng mga magagarang sasakyan na nakaparada sa labas. Dinig na dinig ang malakas na tugtog galing sa loob ng convention hall ilang metro ang layo. Todo ang ayos ng lahat ng mga naroon at ang iba pa nga'y punong-puno ng alahas ang leeg at nagpapasikatan ng mga suot na damit ang dalang sasakyan. Halos lahat ay may mga kasama, kung hindi ang kanilang asawa, ang kanilang nobyo o nobya. Halata sa mga itsura na may mga pinag-aralan sila at may class.
Ikaw ba naman ang mag-aral sa isang international school? Halos lahat ng mga naroon ay may lahi , may iba pang mga puro. Si Felicity ay may lah
