Oras na upang maghapunan sa tahanan ng mga Martincu. Nagprisinta ang Ginang na siya na ang pumanhik sa mga silid ng kanyang kambal na anak upang yayain na silang bumaba at kumain.
Una niyang kinatok ang silid ni Felix. Nakailang katok na siya sa pinto ngunit walang sumagot mula sa loob, kaya pinihit na niya ang doorknob at sinilip ang loob kung may tao ngunit walang Felix na naroon. Sinara na niya ang pinto nang bigla niyang naisip na baka nasa study room rito kung saan madalas niya ring puntahan ang kanyang pumanaw na asawa noong nabubuhay pa kapag nag-uuwi ito ng trabaho sa kanilang bahay tuwing weekends.
At tama nga siya, bahagyang nakaawang ang pinto kaya agad niya itong nakita. Naroon ito at tutok na tutok sa monitor ng kanyang laptop at mabilis ang mga daliring palipat-lipat sa pag
