Busog na busog ang dalawa nang umalis sa karinderya. Halos sumabog na nga ang tiyan ni Pretzel sa dami ng nakain pero mas nag-enjoy siya sa inihaw na isda.
Bago sila umalis ay nagyaya muna siyang maglakad-lakad at mag-ikot sa lugar habang nagpababa ng kinain. Nagtungo sila sa may ilog sa tabi lang karinderya. May mga tao ring naroon at nagpapahangin. May mga puno ng mangga sa palibot kaya naman malilim ang paligid at malamig ang hangin.
"Ang peaceful naman dito." Komento ni Pretzel habang naglalakad silang dalawa.
"Oo nga, sariwa pa ang hangin." Pagsang-ayon naman ni Felix habang ginagaya pa rin ang boses ng kanyang kakambal.
"Tignan mo 'yun!" Bigla na lamang naibulalas ni Pretzel habang nakaturo sa malinaw na tubig ng ilog.
Agad namang tinignan ni Felix ang tinituro nito at nakita an
