Third-Person POV
Araw na ng Lunes, sinabihan ni Felicity si Pretzel na susunduin niya ito sa kanilang bahay ng maaga. Kaya naman, gabi pa lamang ay naghanda na ito ng kanyang mga dadalhing mga gamit.
Nakalagay na sa maliit niyang maleta ang ilang pares ng damit pamalit kung sakaling kailanganin niyang mag-change outfit. Nakalagay na rin sa tote bag ang mga pagkain na nilimas niya sa stock room nila na pwede nilang kainin habang nagbabyahe. Nagpalamig na siya ng mga maiinom sa freezer at kukunin na lang niya paggising niya sa umaga.
Natulog lamang siya nang makasigurong wala na siyang nakalimutan isilid sa kanyang bag. Dinoble niya pa ang pag-check upang sigurado. Medyo nae-excite siya dahil medyo malayo ang pupuntahan nila at makalalanghap na din siya sa wakas ng sariwang hangin sa prob
