Unang araw na inakala ni Lilith na magiging maganda. Hindi naman pala. Nang dahil sa daga kung saan takot siya mula pa pagkabata ay nasira ang araw niya.
Iharap ninyo na siya sa mga gagamba, ahas o ipis 'wag lang sa daga na minsan nang kumagat sa paa niya dahilan para maospital siyang muli at saksakan ng gamot. Ayaw niya rin sa ospital dahil ang tagal niyang namalagi roon. Sa lugar kung saan tinuring niyang isang bangungot ang lugar na iyon at ayaw na niyang bumalik at takot din siya sa hiringgilya.
Nakakatakot naman kasi talaga ang daga sa kanilang probinsya. Napakalaki at halos kasing laki na ng pusa. Hindi pa takot sa mga tao at ang iba pa nga'y nanghahabol pa. Nasa tabi kasi ng palayan ang bahay nila roon kaya maraming dagang-bukid. Peste sa palayan ngunit laman-tiyan sa ilan.
Kinak
