Papunta na si Mav sa opisina para tapusin ang naiwan niyang trabaho noong nagdaang Biyernes. Pagod na't medyo nagugutom. Akyat-baba siya sa gusaling ginagawa kaya agad natunaw ang kinain niya kaninang tanghali. Amoy na rin niya ang sarili dahil nabilad siya sa araw ngunit dahil patapos naman na ang araw ay hindi na siya umuwi para makaligo't makapagbihis. Dumiretso na siya sa opisina dahil madami pa siyang pipirmahan at re-reviewhin na mga kontrata bago ipasa sa kaniyang ama.
Sa ibang construction site kasi siya natungo para mag-inspeksyon nang araw na iyon. Sinabihan kasi siya ng kanilang Architect na may napansin siyang hindi nasundo sa planong ginawa nila para sa building na itinatayo.
Panibago kasi nanamang proyekto iyon at nasa Subic pa. Isang condominium na pagmamay-ari ng isang In
