Matapos ang hapunan na iyon ay nagpahinga muna ng ilang sandali sina Solana at Sadie bago sila nagpatuloy sa paglalakbay. Habang nagpapahinga ay namataan ni Edelweiss ang tiyahin niya at ang estudyante nito na nag-uusap sa di kalayuan.
Sinubukan niyang pakinggan dala ng kuryosidad, ngunit dahil may kalayuan sila sa kaniya ay hindi niya malinaw na maintindihan ang kanilang pinag-uusapan. Pinilit niya ring intindihin ang salitang namumutawi sa labi ni Solana ngunit masyadong mabilis ang pagsara't bukas ng labi ng guardian para masundan niya't makuha.
Base sa itsura ng dalawa ay seryosong bagay ang kanilang paksa. Ang kutob niya ay tungkol sa lugar na pupuntahan nila at mukhang mapapasabak nga talaga pati siya. Lumingon si Solana sa gawi niya kaya naman dali-dali siyang tumingin sa ibang di
