Sadie’s Point of View
Gaya ng bilin ni guro, binantayan ko ang prinsesa. Inobserbahan ko siya at napansin ang kakaiba niyang ikinikilos mula nang makapanganak. Hindi ko sila iniwan kahit sandali nang mag-isa sa silid. Naglinis ako at hindi pinaalis si Adrian hanggat hindi ako natatapos. Nakatatakot kasi na baka malingat lang ako ay may mangyari nang hindi maganda sa sanggol at kahit na alam kong nakamasid naman si Adrian ay sinusulyap-sulyapan ko rin sila upang makasiguro lang.
Napansin kong mula nang makaalis si guro ay hindi niya pa hinahawakan o kaya’y sinusulyapan man lang ang sanggol na nasa kaniyang tabi lang na natutulog. Katatapos ko lang maglinis nang bigla namang umiyak ang bata. Wala na si Adrian nang mga oras na iyon dahil nakiusap akong pumunta siya sa kusina at humiling ng
