Sa gabing nagdaan ay hindi ko magawang makatulog. Kung ano-anong mga bagay ang gumugulo sa isipan ko at ayaw maalis kahit anong gawin kong pilit. Mga tanong na hindi ko alam kung saan kukunin ang mga sagot kahit pa binigyan naman na ako ng kasiguraduhan ni Adrian na masasagot ang lahat ng mga iyon ng aming pupuntahan.
Nakailang pihit na higaan ngunit hindi pa rin makuha ang antok. Nakakainggit ang lalim ng tulog ni Adrian. Naghihilik na at nakanganga pa. Halatang pagod na pagod dahil hindi na niya nagawang magpalit ng damit niyang may putik. Pinauna niya ako sa napakalaking banyo nila upang makapaglinis kanina at binigyan ako ng pamalit na damit.
Ewan kong kaniya ang mga suot ko. Malaki kasi para maging kaniya. Magmumukha siyang pari kapag siya ang maysuot. Hindi naman mukhang kinuha niy
