Naunang naglakad ang limang kababaihan sa amin ni Adrian. Pakiramdam ko ay nababalot ng kakaibang awra ang limang nasa aming unahan. Sa mga tindig nila ngayon at lakad ay mapapaisip ang sinumang makakikita sa kanila, o baka naman sadyang ako lang ang hindi pa sila lubos na kilala.
Nang una ko silang nakita na may kolorete ang kanilang mga mukha kaya naman hindi ko agad napansin na magkakahawig pala silang tunay lima. Akala ko ay dahil lang sa make-up kaya pare-pareho ang ayos at timpla ng mga inilagay nilang kulay sa labi, pisngi at kanilang mga mata. Ang aamo rin ng mga mukha nila noon, nakangiti at kay hinhin ng pagkilos.
Napakalayo sa ngayon.
Daig pa nila mga gangster na may reresbakang kaaway. Kung hindi lang sa mga kurba ng katawan at mahahabang mga buhok nila aakalin kong mga lal
