Nakahuli kami ng isda. Isdang may bigote. Kulay itim nang nasa putik pa at nang hugasan ni Adrian sa tubig ay naging kulay puti na. Ang kanila raw tawag sa isdang iyon ay Somn. Kung bigkasin ay So-om-nom. Ang haba para sa apat na letra pero wala naman akong pakialam sa pangalan basta pwede naming makain. Hindi ba?
Wala akong nahuli dahil napakadulas nila at namimitak pa. Ginagamit nila ang mga bigote nila bilang proteksyon. Parang latigo. Namamaga nga ang isang daliri ko na napitikan ng isa. Nahuli siya ni Adrian matapos dakmain sa ulo. Ganoon daw manghuli ng ganoong isda at kailangan idiin sa putik para hindi na makawala.
Siya na magaling, ako na ang walang alam sa lahat.
Dahil wala akong nahuli, ako na nagprisinta na manguha ng panggatong. Namulot ako ng mga tuyong kahoy at nang sa
